كتب يحيى الشولي على حسابه الشخصي على موقع فيسبوك:

قبل شهور طويلة.. قال أنطونيو غوتيريش إنه غزة ممكن تتحول زي مقديشيو عاصمة الصومال، وكنت مستغرب جدًا من التشبيه يعني غريبة توقعت نتحول لمدينة مدمرة وطاردة للسكان، ولكن حاليًا بلشت تتضح الصورة.. مسلحين خارج إطار القانون بيتجولوا في الشوارع.. واحد باسم عيلته وواحد باسم عشيرته وواحد باسم العصابة تبعته، والحكومة بتحاول تشتغل بدون مركزية والأمور كلها خارج السيطرة، قبل يومين تمت سرقة 109 شاحنات من خلال قطّاع الطرق، ومبارح انقتل أكتر من 20 واحد خلال محاولة السيطرة على الوضع، وقبل شوي مسلحين منعوا شاحنات المساعدات من الدخول لغزة وحرقوا شاحنة سولار... كل هاد بيصير في ظل مجاعة قاسية بيعيشها الجنوب والناس في كل مكان جائعين ومش لاقيين اشي ياكلوه أو يغطوا أولادهم بيه حرفيًا...

بقلك هاد الكلام عشان تعرف إنه فش كلمة بتنقال صدفة في عالم السياسة، وإنها التصريحات اللي بتتمسخر عليها وبتفكرها زي شعارات العرب بتتحول لحقائق بمرور الوقت وحضرتك مخدّر بالفيديوهات اللي بتشوفها والصورة اللي بيحاولوا يصدرولك اياها عن غزة.