كتبت ابتسام سامي شاهين على حسابها الشخصي على موقع فيسبوك:

آخر لقطة في يوم ما قبل الموت المستمر

آخر لقطة في حياتي

كنا مش مصدقين حالنا من الفرحة و إنه في مناقصة بشغل والدي و بنستنى تخلص لنروح نخطب لأخوي، و كل كل كل الأمور تمام التمام عنا و عند العروسة و أهلها

و بلشنا ننكش راس على أخوي، انه دير بالك فستاني عليك و من هالكلام..

و فعلا بلشنا نخطط شو بدنا نعمل بكرة، و بلشنا نحكي عن تأجير الفساتين و كل وحدة منا بلشت تحكي شو بدها و شو بنفسها، حتى بتذكر أمي حكتلي اوعك تقولي بدك تروحي تعملي برفح و تبلبشينا( ههه كان بدها مكان قريب و بالمنطقة لو عملنا كوافير) و نا صممت طبعا ع رأيي

يعني و الله هادا كان الجو في بيتنا، و نمنا ع أساس نفيق ع أحلى فرحة...

لساتهم صور الفساتين محفوظين عندي اللي كنت مخططة اختار منهم

و لسا عندي مجموعة مزبطة من تشكيلات الشعر و الميك اب

و رح نفرح يا أعداء الحياة و الحب و الفرح و الإنسانية....