أعدت شبكة الجزيرة تقريرًا مصورًا مع المواطن "محمد عيد" الذي نجا من قصف إسرائيلي طال منزله في مخيم النصيرات، وفقد فيه ابنته "ميس" وشقيقه الأكبر "أسامة" وعائلته، بالإضافة لأفراد آخرين العائلة.

التقرير نُشر على الصفحات الرسمية لشبكة الجزيرة ومن بينها صفحة الجزيرة فلسطين، تحت تعليق يقول:

"نحاجج العرب والمسلمين أمام الله"

شاب يعدد أفراد عائلته الشهداء بالقصف الإسرائيلي، بينهم شقيقه وابنتاه الذين عادوا من #مصر مؤخرًا

#حرب_غزة #فيديو

نص محتوى الفيديو

ولا حاجة، مش عايزين منهم شي، والله ما احنا عايزين منهم شي، احنا نحاججهم أمام الله، فقط لا غير، نحاجج العرب والمسلمين أمام الله، لا نريد منهم دموع ولا بكاء ولا لطم ولا خبط ولا رقع، بس نحاججهم أمام الله، يوم الوقف العظيم.

نايمين في أمان الله، ولا إلنا في حاجة، ولا إلنا في شي، ما شفنا إلا كل العمارة برميل ونزل عليها، برميل، كلها نزلت مرة واحدة زي البسكوت، أخوي أشلاء ومرت أخوي أشلاء، وبنتي استشهدت، وبناته استشهدن وابنه الصغير استشهد، وأمي مش مبينة، وبنت أخوي مش مبينة، كلهم، مجزرة.. ايش عملوا عنا؟، مجزرة، عملوا عنا مجزرة.

هادي الغالية، بنتي الغالية حبيبتي..

 وأبو أسامة.. أخوي الكبير، روح امبارح من مصر، قولنا له تروحش يا أخوي حرام، قال وإذا صار فيكوا حاجة يا أخوي، أنا أموت لحالي غاد، آجا هو مات وإحنا ضلينا عايشين، أول امبارح لسه، فتحوا له المعبر، مات أبو أسامة، أبونا كلنا..

يعني هو كان خارج غزة؟

كان في مصر، 60 يوم، كان بناته في توجيهي، ناجحات، جايبات معدلات عالية، فوق الـ 95 جايبات، وقال لهن بدي أطششكن (أفسحكم) يا بابا رحلة ع مصر، أخدهن قبل الحرب بكم يوم يطششهن، استشهدن، آية وسما، التوأم استشهدن.

قال لهن بدي أطششكن يا بابا يا حبيباتي، أخدهن وطششهن ع مصر، صارت الحرب، صارت الحرب، كانت طشة غم علينا. بعديها إجا أبو أسامة اتصل فيا، قال لي بدي أروح، قلت له تروحش يا أخوي، قال لا بدي أموت معكم يا أخوي، آجا وبناته التوأم يا أخوي استشهدوا مع بعض، بناته اللي رفعن روسنا في توجيهي، رفعن روسنا عند ربنا كمان، ورفعن روسنا قدام كل العرب.

وغصب عن اليهود، وغصب عن اليهود، وغصب عن اليهود، هننتصر وناخذ الأرض ونطلعهم، والحيط هادي تيجي تقول لي في يوم من الأيام: تعال هذا يهودي وراي، تعال واقتله، تعال واقتله، تعال وخلص عليه، هيجي اليوم يا أبناء القردة والخنازير، لكم يوم، والله إنه قريب والله إنه قريب..

والله هاد.. هاد لو يتخبى وراها، لتيجي تقول لي تعال تعال يا مسلم، هذا يهودي لعين وراي، تعال فاقتله، نبشركم، اصبروا، يومكم آت لا محال.