كتبت خديجة مطر على حسابها الشخصي على موقع فيسبوك:

اليوم ما في خبز ولا مبارح ولا من أسبوع الشمال بكل ناسه لسه بينام على جوع وبيصحى على خيبة

الصورة اللي شفتوها على الفيس ل كم رغيف خبز…؟

الصورة من الجنوب وبيحكوا الحياة بلشت ترجع

بس الحقيقة؟

اللي دخل 92 شاحنة فقط وحتى هناك الكمية ما بتكفي مركز إيواء واحد هناك بيستكثروا علينا رغيف وبيقولوا غزة بخير ودخلوا مساعدات غزة بتنزف جوع كل دقيقة بتمر، فيها أم بتحاول تلهي ابنها عن الجوع وفيها عجوز بيستنى طحين ما راح ييجي وبالمقابل… في ناس بتتفرج، وناس بتكذب

ما بدنا شفقة بدنا الحقيقة توصل بدناش يصورونا على انا شبعانين وإحنا بنعد اللقمات عالعيون

مشهد الخبز مش نهاية الأزمة هاي لقطة كاذبة وسط فيلم اسمه التجويع المتعمّد

اكتبوا، احكوا، اصرخوا معنا

إحنا لسه بنعيش المجاعة