عندما تصبح الحياة حقيبة!
المصور
إلينا ساهر اليازجي
المكان
محافظة غزة
تاريخ الحدث
2024-02-08
اسم الباحث
سُرى صقر
كتبت إلينا ساهر اليازجي على موقعها الشخصي على موقع إنستجرام:
عندي كبشة حكي، و قصص، خلوني اشارككم شوية منها …
📌الصورة الأولى:
طيلة الـ 4 أشهر، شنطنا "حقائبنا" ما بتفضى و بنضل نحكي
"لا" ولا حد منّا يفضّي شنطته، يمكن بأي وقت ننزح تاني على الرغم من انو كلنا بلا استثناء " نازحيين " و بنضل محددين شنطة ع الاقل فيها أشياءنا المهمة مع انو لو بيصحلّنا بنكون
بدنا نآخد حتى بيتنا معانا و حتى الاشياء الصغيرة فهي كمان بتحمل روح من ذكرياتنا.
📌الصورة الثانية:
أول شي ما يروح فكرك لبعيد🫣 ما بنلحق ناخد شنطنا عشان نلحق ناخد الكورة🥲 بـــس خليني أحكيلكم سر …
الكورة صارت تمثلّنا احنا، راح أحكيلك ليش؟
لانو صرنا نحس حالنا الكورة في الملعب بين الفريقين، مش عارفين كل ثانية وين و مع مين ممكن نكون و حتى
"كيف صرنا في هيك مكان" جوابنا بيكون مش عارفين …
و ع الهامش، الصورتين في " مكاني المفضل " اللي حاليًا صار رماد، و كنت كتير بتمنى لو كنت بعرف هيك راح يصير، انو أقعد وقت أطول فيه و يضل في ذاكرتي أكتر، و هنا بحكي انو المكان اللي بيكلفك شقى عُمرك بيكلفهم ضغطة زر.
بس بحكي كمان انو الكل هنا بلا استثناء معرضين للموت بأي ثانية بأرخص و أبشع و أحقر الطرق، و كل حلم من أحلامنا مُعرّض للاغتيال و التدمير بدون أي تفسير.
#اكسبلور #حرب #غزة #فلسطين #الحرب_على_غزة
