بيت حُلمي ولحمي دمره الاحتلال
المصور
بهاء بحور
المكان
مدينة غزة
تاريخ الحدث
2023-11-24
اسم الباحث
لمياء عصام محمد
كتب بهاء بحور عبر صفحته الشخصية علي موقع فيسبوك تعليقاً علي الصور:
هذا كان بيتي انتهيت من بنائه قبل ٨ شهور
كان بيتي ومكان عملي ما لحقت احفظه كلو ما لحقت اي شي فيه وكنت لسى بفكر وبخطط شو بدي اعمل واركب واكمل الروف تبعه بالصيف باشي يليق بتعبي وبحلمي
بالنسبة الي ما كان مجرد بيت والسلام كان بالنسبة حلم حققتو بعد ٣٠ سنة من عمري وبعد سنوات من بيت بالاجار وبعد ١٠ سنين شغل كنت اجمعهم شيكل شيكل ويوصل شغلي باليوم ١٨ ساعة عشان اقدر اكمل حلمي وابنيه. انهد وانا لسى بعلق بالبراوبيز طلعت منو وانا لسى بخطط وين اعلق صورتي مع امي على اي جدار من البيت يليق بها وبجمالها كنت لسى ببني فيه زكرياتي واخطط لاحلامي الي جاية. هذا البيت مش مبني من حجار مبني من لحمي وتعبي وحلمي عمرها ما بتهون ممكن نعوضه ونبيه بس عمره ما راح يتعوض البيت وفرحتي ببنائه
حسبنا الله ونعم الوكيل
الله مولانا
مصدر المعلومات
