كتب طارق الدقس على حسابه الشخصي على موقع انستغرام:

بعد خروج الأسير محمد داوود من السجن، كانت المهمة الأصعب على كاهل أخيه يُوسف ليخبره بإرتقاء والدهم وشقيقتهم وبقية العائلة من الأبناء والأخوال ..

يوسف شقيق محمد فقد زوجته وأبنائه أيضًا خلال الإجتياح البري الأخير على معسكر جباليا

يصبّر أحدهم الآخر وهو ممزق من الداخل ويتجلى قول الله تعالى " سنشد عضدك بأخيك "

نص محتوى الفيديو

-          حقيقي؟

-          ها مين اللي بده يقويني

-          طيب طمني، حقيقي يعني أبويا؟

-          يا حبيبي

-          يمكن مش هو

-          لا أبوك استشهد.. طلعوه.. طلعوه

-          أنا كنت معهم تحت الدار يا أخويا

-          أبويا

-          ويوسف كان معهم تحت الردم.. طلعوه بالعافية

-          أنا بقيت معهم وتحاصرنا 102 يوم

-          إنا لله وإنا إليه راجعون

-          أنا وأبويا ونور ومرتي وولادي.. وكلهم استشهدهم

-          ايش؟!

-          كلهم استشهدوا

-          مين؟

-          مرتي وولادي وأبويا ونور.. الله يرحمهم

-          ايش؟! في عائلات انمسحت

-          انت بتحكي جد؟

-          هي فيها مزح الأمور هادي؟

-          أبويا ونور مع مرتك وولادك

-          آه.. هدا اللي بده يقويك؟ قالوا بده يقويك!

-          إنا لله..

-          مالك يا أبو صلاح؟

-          إن العين لتدمع وإن القلب ليحزن

-          مين أقوى؟

-          الرسول صل الله عليه وسلم

-          إن شا الله بدك تروح لأمي هيك؟! أمي ولا دمعة..

-          الرسول صل الله عليه وسلم.. ولده إبراهيم.. قال: إن العين لتدمع وإن القلب ليحزن وإنا على فراقك يا إبراهيم لمحزنون، وإنا على فراقك يابا يا حبيبي ويختي يا نورهان لمحزنون، وأختي أم أحمد وحبيبة وأحمد لمحزنون، ولكن..

-          وجنة.. نسيت جنة؟!

-          وينها؟

-          التلاتة راحوا

-          جنة! وجنة اللي ما بعرف فيها هيني، وجنة.. وخالك خليل بيقولوا لي.. وخالك خليل لمحزنون

-          وخالتك سميرة كمان

-          مين؟

-          خالتك سميرة.. الله يرحمها

-          خالتك سميرة كمان

-          وخالتي سميرة!

-          هي اللي ايمانه قوي!! مين اللي أعطانا؟

-          وخالتي سميرة إنا لمحزنون، ولكن لا نقول إلا ما يرضي ربنا، إنا لله وإنا إليه راجعون

-          يا أخويا يا أخويا

-          لله ما أعطى ولله ما أخذ

-          بدك تشد حالك

-          اسمعني.. اسمعني.. اسمعني

-          اللهم أجرنا في مصيبتنا واخلفنا خيرًا منها

-          اسمعني.. اسمعني

-          أجر الصابرين.. جنات النعيم

-          هالقيت مين أقوى؟ مين لازم يكون أقوى؟ مين أقوى؟

-          أنا وانت

-          لا.. انت أقوى لازم تكون

-          بدنا نشد أزرنا

-          بدك تشد أزري.. أنا لا مراة ولا ولاد ولا عيال ولا أبويا